Iturrunburu

Adiren itzalpeko mendia dugu Iturrunburu, eta askotan Urkiagako erraldoiarekin batera igotzen da. Hala ere, berezko interesa duen mendia dugu Iturrunburu: ikuspegi paregabeak eskaintzen dituen mendia dugu, eta haren inguruko larre gozoetan barrena ibiltzea plazer hutsa da. Ohiko ibilbideak Sorogaindik abiatzen dira, bai Aztakarriko lepotik desnibela leundu nahi dutenentzat bai Odiako sakanetik, baso zoragarrien itzalaz gozatzeko. Urkiagatik ere igotzen ahal dugu, Adi igo ostean edo erraldoiaren magalak GR-11ko bideaz zeharkatuz. Beste aukera bat Aldudesetik igotzea da, Izterbegirekin batera, adibidez.