Anayet

Anayet ez da bere altueragatik nabarmentzen, aldamenean baitu bera bezainbesteko beste tontor bat (Vertice de Anayet). Itxura eta jatorria ditu bereziak, izan ere mendi lerdena da, zorrotza, piramide itxurakoa eta jatorri bolkanikokoa da, urrutira gabe Midi dOssau den bezala. Ibilbide ederra da Canfranc-eko kanpinaren ingurutik abiatu eta glaziareak sakondutako bailara zeharkatzen duena Anayeten oineraino (ikus irudietan). Bere oinean hainbat aintzira eta larre eder. Bere itxuragatik soma daitekeen bezala, ordea, ez da mendi erraza. Tontorretik gertu du zailtasun handiena, nahikoa zuta den pasarte bat dela eta (ikus irudia). Altzairuzko kable batek laguntzen du pasarte horren zeharkaldia.