Atxurbide / Dorrontsorogaña

Idiazabal eta Ataungo bailarak bereizten dituen mendikateko tontorretako bat da Atxurbide, goien larreak eta behean pinudiak estalia. Gailurra luzea da eta hesi batek korritzen du mutur batetik (Atxurbide) bestera (Dorrontsorogaña); tartean historiaurreko hainbat aztarna, baina deus nabarmenik ez. Ikuspegia da polita eta zabala: Aizkorri, Aralar, Ataungo \'domo\'a... Andrelorriaga / Esparruko Punta nahiz Areetza / Izozkoa gertu dira, ibilbidea luzatu nahi izanez gero. Badirudi inguru honetan mendi bakoitzak bizpahiru izen badituela gutxienez.