Cotiella

Cotiella Entremon aldetik inaxio

Mendi haundia da Cotiella, 2000 metrotik gorako aldeak bereizten du tontorra Cinca ibaiaren arrotik. Ez dago gainera Pirinioaren ardatz nagusian eta horrek asko nabarmentzen du bere inguruan. Saravillo aldeko igoera izango da, seguraski, erabiliena, 1500 metrotik abiatzeko aukera eskaintzen baitu herritik Santa Isabel lepora igotzen den pista batek (egoera onean). Bertan aterpe txiki bat dago. Igoerak ez du zailtasun handirik luzerari dagokionaz gain (9-10 ordu joan-etorria), baina Entremon inguruak oso zaila izan behar du lainoak hartzen badu, karst amaigabearen zeharkaldia gorabeheratsua eta luzea baita, eta erraza da norabidea galtzea inguruko tontorrak bistatik kenduz gero. Harrastoak ere ez dira oso lagungarriak: nonahi ikus daitezke eta harri tartean erraz galtzen dira.