Erremendia

Oker zaudenean zuzentzea komenigarria denez, nire aurreko iruzkina zuzendu eginen dut. Erremendia eta Ezpondarri mendi bereko bi izen besterik ez dira. Nafarroako Gobernuaren toponimia ofizialean hala agertzen da, behintzat. Nolanahi ere, mendiko txartelontzian zein zenbait mapetan Ezpondarri izena agertzen da, eta Erremendia izena zonalde osoari ematen zaio: bai Jaurrieta eta Abaurregainaren arteko mendateari baita Aretako mendietako ekialdeko zonalde zabal horri ere.
Izenak izen, mendialde nahiko ezezaguna da hau: antza, mendizaleek Baigura erraldoia nahiago izaten dute. Hala ere, inguru honetan badira paraje ezin ederragoak eta merezimendu handiko hainbat mendi: Arnazu, Borrokoxko, Menditxusi -hain itxusia ere ez dena ;)- eta Ezpondarri bera ere. Abiapuntuak Erremendiako mendatea eta Elkoatz eta Aietxu herrixkak izaten dira. On egin!

Nire ustez, argazkietan agertzen den mendia Ezpondarri da. Erremendia altuera bertsuko mendia da, baina mendebalderago dago, eta zuhaitzez josia du tontorra. Nolanahi ere, bereizketa ez da oso garrantzi handikoa...