Kartxela

Height	1982 m
Mendialde
Localization	ED50 UTM 30T X.672180, Y.4757790 ED50 42.952526 N, -0.889335 E.
Other names	Lakartxela
Start points	Belagua, Mintxate.
Near	· Binbaleta · Barazea / Xardekagaina · Larrondo · Otsogorrigaina · Sarimendi · Lakhura · Gaztarrigaña / Mulidoia · Ütziagaina · Lapazarra · Armotoa · Txamantxoia / Maze · Jora
Lurraldeak	»Nafarroa
Categories	»EHMK

Keleta eta Kartxela Belagua aldetik inaxio

Oritik Arlasera bitarte dagoen mendirik altuena da Kartxela, 2000 m eskasekin. Ez da erraz ikusten halere bere tontorra, Keletaren atzean ezkutatzen baita Belagua aldetik begiratuz gero. Belagua aldetik begiratuta, gainera, badirudi Keleta bera handiagoa dela; baina ez da hala, biak gandok polit batez loturik daude Kartxela Keleta baino ia 100 m altuagoa da. Gandor hau ikusgarri egoten da negu partean, elurra eta haitza tartekatzen baitira ertzean. Ez da zaila, baina ezta erraza ere: kontu handiz ibiltzekoa elurraren egoeraren arabera (guk istripu txiki bat izan genuen). Ibilbiderik politena (ez errazena, jakina), beharbada, hauxe: Arrako > Lapatia lepoa > Keleta > Kartxela > Binbaletako lepoa > Arrakogoitiko lepoa > Juan Pitoren benta > Arrako. Mintxateko bailarak ere buelta itzela egiteko aukera eskaintzen du, Otsogorrigaina eta Barazearekin batera. Eta zer esanik ez, Logibartik abiatu eta Holtzarten barrena joanez gero (hau heavy samarra ere izango da). Biderik erabiliena Belaguako aterpetik abiatzen dena izango da, seguraski.

add image

Images

submitted by inaxio at Fri, 2004-10-08 23:00

Comments

Igoera

Submitted by Mikel Madinabeitia (not verified) on Fri, 2004-05-28 18:21.

Lagunekin burutu genuen txango ederra iazko udan. Iru Erregen izanda ginen bezperan ta, gorputza nekatuta zegoela, irteera lasaia izango zelakoan Belaguako haranaren goikaldean dagoen kuartel militarrera joan ginen. Urdaiteko lepora doan bidez ez dago oso ondo markatuta, baina hala ere, ez da zaila iristea. Ganaduak sortutako arrastoak jarraitzea besterik ez dugu egin behar. Lepotik, xenda gogor eta bihurri batek goiko lepora eramango gaitu. Patxadaz hartu. Goiko lepotik, ezkerrera joan eta berehala iritsiko gara buzoi gorri eta zaharrera. Paisaia ikaragarria da, eguraldia atsegina bada. Baina, bista politagoaz gozatzeko, guk egindakoa gomendatzen dizuet: Keletara hurbildu, Belagoako haranera hurbiltzen den puntara. Desnibel handirik ez galdu, gandor gandorretik ekin. Paisaia miresgarriagoa da. Itzuleran, Urdaiteko lepora jaitsi baino lehen bigarren gomendioa luzatzen dizuet: Binbaleta tontor belartsua. Atseden on bat hartzeko parada. Totalera, egun lasaia izan behar zena, 6 ordu izan ziren. Baina, bene-benetan, gomendagarria.

KARTXELA

Submitted by Joakin Urdanpilleta (not verified) on Wed, 2002-07-03 20:09.

Nik egon naiz 5 o 6 bidar mendi onetan,ta egia esan,neri asko gustazen zait.Balkoi primerakua da bera,bertatik bista zoragarria dago eta.
Nik igotzen naiz Belagoako aterpetik urten ta.

em.luberri.net is not responsible for any incorrect, unauthorized, or inappropriate content. The information you find on this site could be inaccurate. Use your judgement.