Kruzeta

Ingurune karstikoan kokatutako gain apala, paisaia horri dagozkion osagaiekin: leizeak, karaitza eta honen gainean zaildutako landaretza urria. Larrebehi ugari izaten da tontor karstiko hauen arteko ordokietako larreetan eta badira hauentzat egindako zenbait putzu artifizial, mendia urratuz. Iparralderago amildegi bortitz batek ebakitzen du Kruzeta jasotzen duen Arkamuko mendikatea eta amildegi horren ertzean bada horma alderik alde zeharkatzen duen zulo handi bat (irudietan ikus dezakezue). Iparmendebaldean Repico dago, gertu, ibilbide berean ezagutzeko moduan. Lainoa sartzen bada erraza izan daiteke norabidea galtzea.
Hurrengo irudi panoramiko honetan gorago aipatutako zuloa eta iparraldean luzatzen den amildegiaren ikuspegi zabala, perspektibaz nahikoa itxuraldatuta.