Pirinioko aldetik datozen Arga eta Erro ibaiek sakondutako bi ibarren artean goititzen den mendikateko tontorrik garaiena da Lakarrirena, nahiz eta gehiegi nabarmendu ez. Baso eremu zabalez inguratuta dago eta basoak hartzen ez duena ezpelak eta sastrakak betetzen du. Ekialdetik mendebaldera luzaten diren bizkar luzeetan karaitza ageri da tarteka basoaren gainean, ertzak harrotuz. Iparraldean Beltzunegiko lepora jaisten da eta hegoaldean, berriz, Belogaineraino luzatzen den hegi luze batek eusten dio goiari, harako bidea erraztuz (pista zabal bat luzatzen da bien artean).
