Migoleta

Brakola (1368m), eta atzean, Miguleta (1406m)

Miguleta Uztarrotze edo Atuzkarratz mendilerroko mendi garrantzitsuenetakoa dugu. Mendilerroak hiru adar ditu, Miguleta mendebaldeko adarraren erdian gailentzen delarik. Ohiko igoera Igaritik abiatzen da, Larraitze ibar estu eta oihantsutik. Bideak Argiloain baselizaraino eramanen gaitu, mendi gandorrari ekin aurretik. Miguletako gailurrak ez du ikuspegi handirik, zuhaitzek traba egiten baitute, baina Brakola izeneko aurre-gailurretik (1368 m)ikuspegi eder eta zabalak gozatuko ditugu. Bi mendi hauekin aski izan ez duenak, txangoa luza dezake iparralderago dagoen Urrua (1356 m) mendiraino. Hala ere, azken mendi hau zuhaitzez erabat estalita dago eta zaila da gailurra non dagoen antzematea.