Peña Montañesa

Metrotan iparrralderagoko menditzarrak baino puska bat txikiagoa izan arren, abiapuntuetatik tontorrera dagoen gorabeherari begiratuz gero haien artean aipatzea merezi du honek ere. Pirineoaren ardatz nagusitik bereizita dago eta ikuspegi zabala eskaintzen du iparraldera, Ordesatik hasi eta Maladeta alderaino, Cinca ibaiak hustutako bailara estuaren ateetan. Igoera luzea da San Veturian (San Vitorian?) monastegitik abiatuz gero, baina ez du aparteko zailtasunik bestela: igoera moteleko xenda luze batek eramango gaitu ezpel artean gandorraren hormaraino eta haren magaletik helduko gara Canal Anchako arratetik behera datorren harritzara. Handik gora tontorra ez da urruti, nahiz eta bidea erosoa ez izan. Igoerabide horri dagozkio argazkiak.