Tendenera

Height	2853 m
Mendialde	Tendenera
Localization	ED50 UTM 30T X.729560, Y.4729280 ED50 42.680977 N, -0.198275 E.
Other names	Tendeñera
Start points	Panticosa, Linas de Broto, Yesero, Bujaruelo.
Near	· Forato · Mallaruego · Mallo de las Peñas · Otal · Sabocos · Peña Roya · Bacias · Erata · Batanes
Lurraldeak	»Huesca
Categories	»EHMK

Mendebaldeko ikuspegia tontorretik inaxio

Panticosa eta Bujaruelo artean luzatzen den mendikate luzearen tontor nagusia da Tendenera. Ez du hirumilakorik jasotzen baina dauden tontorrak ez dira errazak, bideak luzeak direlako batik bat. Bada hainbat pista mendikatearen hormetara hurbiltzen direnak, baina gehienak autoentzako itxita daude eta horrek asko luzatzen du bidea, iparraldeko isurialdeko ohiko igoerabideen kasuan batez ere (Panticosa, Bujaruelo). Iparraldeko bideak Tendenerako lepoan batzen dira, tontorraren iparraldeko lepoan eta handik zailtasun handirik gabe heltzen dira tontorrera. Mendi gaitzak ikus daitezke bertatik: Ordesa aldeko menditzarrak ekialdean eta Vignemale Iparraldean esaterako. Antza denez eskizaleentzako mendi aproposa da Tendenera, tontorretik hasi eta elurra amaitzen den arte jaitsiera luzeak eta zailtasun handirik gabeak eskaintzen baititu Panticosa aldera. Gainontzean eremu bakartiak dira mendi hau inguratzen dutenak, Ordesak nahiz iparralderagoko hirumilakoek (Balaitus, Infierno, Vignemale) erraz bereganatzen baitute bailara hauetara hurbiltzen den mendizalearen arreta.

add image

Images

Comments

Bigarren saiakera

Submitted by inaxio on Sun, 2003-06-01 08:49.

Bujaruelo aterpetik abiatu gara oraingoan, eta oraingoan bai, heldu gara tontorreraino. Bidea luzea da, baina polita. GR11 aukeratu genuen, jarraitzen erraza izango zelakoan, baina ez da hala, leku askotan ez du arrastorik uzten (belarrak estalita dago) eta gaizki markatuta dago. Panticosa aldeko bailaran bezala marmota ugari ikusi dugu alde honetan ere, gertuagotik gainera (beharbada jendearen presentziara ohituago egongo dira). Bideak Otalen magalean zabaltzen den ibar eder bat zeharkatzen du eta Ordisoko maldetan gora egiten du Tendenerako lepora heldu arte. Handik aurrera gandorrari jarraitu besterik ez dago tontorrera heltzeko. Ekaitzak harrapatu gintuen bueltan eta korrika batean jaitsi behar izan genuen. Gainditu beharreko gorabehera 1500 metrokoa da.

Bide luzea Panticosa aldetik

Submitted by inaxio on Sat, 2003-05-24 23:50.

Panticosatik abiatu ginen eta Riperako haran guztia zeharkatu, baina berandu iritsi ginen Tendenerako lepora: elur asko eta eguzkiak gehiegi bigunduta. Hantxe eman genuen buelta. Ingurune ederra eta ikusgarria da, nahiz eta bidea luzea izan Panticosatik abiatuta. Marmota ugari topatu genuen bidean. Entzutekoak dira euren kideei gizakiaren hurbiltasuna salatzeko egiten dituzten garraisiak, harri baten gainera igota, zelatan.

em.luberri.net is not responsible for any incorrect, unauthorized, or inappropriate content. The information you find on this site could be inaccurate. Use your judgement.