Leuneta / Unamuno

Inon gutxi izango da mendi honen inguruan bezainbeste mairubaratz edo cromlech. Arano aldeko bizkar luzean daude gehienak, baina badira gehiago Azketa aldeko lepoan eta baita Iparraldera luzatzen den bizkar luzean. Dozena pare bat baino gehiago behintzat bai. Ez dira horren nabarmen edo ikusgarriak, baina zer pentsatu ematen du ugaritasun horrek.
Gainontzean mendi apala da, batere zailtasunik gabea, izan ere baso-pista zabal batek zeharkatzen du gandor guztia. Bi gain nabari dira gainaldean, bata bestea baino metro pare gat gorago: Mkoa apalagoa da, baina berak jasotzen du buzoia (250 m besterik ez dira izango halere bien artean). Mapatan Leuneta izena ere ageri da gain berean.
Zakartutako larreak dira nagusi bestela Iparraldeko isurialdean, eta amaigabeko pinudia Hegoaldekoan, Leitzaran aldean. Erraza da ibilbidea Mandoegi nahiz Azketa aldera luzatzea, bide erosoetan barrena ibili baitaiteke, gora-behera handirik gabe.