Canchal Negro

Sistema Centraleko mendebaldean zutitzen da Bejareko zerra, Candelario izenaz ere ezaguna dena. Salamanca, Avila eta Caceres artean banatzen da, bertako punturik altuena Canchal de la Ceja delarik, 2430 metroko altuerarekin. Granitozko mendi borobildu hauek glaziarren higidura pairatu dutela nabari da, tontorren azpiko zirku eta lakuetan batez ere.
Canchal Negro Salamancako Bejar hiriaren parean kokatzen da, Candelario herria bere magalean dagoelarik, Hoyo Mayor zirkuaren azpian. Iparraldeko isuialdea eski estazio txiki batek hartua du, eta Candelario herritik 1850 metroko altuera harte errepide bat igotzen da, El Travieso izeneko aparkalekuraino, Calvitero eta Canchal de la Ceja tontorretara igotzeko abiapuntu erosoa. Hala ere, inguru polita da, inguruko lautaden gainetik 1500 bat metro altxatzen bait da.