Zarikieta

Tontorra

Nafarroako mendialdeko mendizerrarik ezkutuenetako bat dugu, eta hortaz, ezezagunetakoa. Mendi hauek ilunak dira, ez oso nabarmenak eta batzuetan sasiak hartuta egoten dira bideak. Hala ere, txoko ezkutu hauek xarma berezia dute, bilatu nahi izanez gero. Zarikieta gailur xumea da, baina ikuspegi zabal samarrekoa. Izena gorabehera, ez da mendizerrako mendirik altuena, ohore hau hurbil dagoen Mendigaina baita. Igoera ezagunena Agoitzetikoa da, baina Arangozki edo Lareki herrixkatik ere igo daiteke, pista luzeetan barrena. Itoitz urtegia eraiki zenez geroztik, galdu dugu Ralatik igotzeko aukera.