Mendibil

Arxuriatik ekialderantz, altueraz gero eta txikiagoak diren zenbait tontor daude herrenkadan: Mendibil, Aizparaz, Arleun eta Argindoieta. Mendilerro txiki hau Urdazubin bukatzen da. Hauetako lehenengoa de Mendibil. Ibaineta lepoak banatzen du Arxuriarengandik, eta Urbiako lepoak ekialdean hurrengo tontorra den Aizparazengandik.
Han-hemenka haitz batzuk ageri badira ere, belardiak eta txilarrak estaltzen du Mendibilen kaskoa. Tontorrean harri pila handi bat, eta metrailadore zulo bat daude, muga inguruko mendi askotan bezala.
Aipagarria da Ibaineta lepoan dagoen megalito kopurua. Trikuharri bat eta dozenatik gora mairubaratza.