eM - Iparraldea

Lizuniaga mendatetik Urdazubira zeharkaldia

Wed, 07 May 2008 18:17:10 +0000

Jarraian azaltzen den ibilbidea Lizuniaga mendatetik Urdazubi herrira doan zeharkaldi bat da, Ibanteli, Arxuria eta Mendibil mendien tontorretatik igarota. Garaiak izan ez arren, Ibantelik eta Arxuriak mendizale asko erakartzen dituzte, Arxuriak batez ere, hegoaldera erakusten dituen malkar ikusgarriek itxura berezia ematen baitie. Ikuspegi zabalak eskaintzen dituzte biek. Ibanteli eta Arxuria arteko bidea mendi-bizkar leun batetan zehar egiten da. Etxalargo usategiak daude tarte honetan. Mendibiletik Urdazubira jaisteko berriz, Urbia eta Loiara lepoetatik pasatzen da, Mitxelen Bordako errekastori jarraituz Urdazubira iristeko.

Artzamendi Laxiatik

Sat, 08 Mar 2008 09:12:21 +0000

Itsasu herritik, Atheka Gaitza (Pas de Roland) izeneko paraje ederretik (Errobi ibaiaren ondotik) jarraituko dugu Laxia izeneko auzoraino. Hemen lehen iristen direnek kotxea aparkatzeko lekua izango dute.

Laxian (40 m.), izen bereko erreka zeharkatu zubitik, eta ekialderantz jarraituko dugu kamiotik, Errobi ibaia ezkerretara dugula eta ordu laurden ibili ondoren (ezkerretara beheraxego baserri bat igaro ondoren), eskuinetara ateratzen den pista asfaltatua hartuko dugu. Bost minutu ibili eta Ossingaraia baserrira iritsiko gara. Hemen, baserri ondotik zelaien barrena hego-mendebalderantz traktoreek ibilian ibilian egindako erdi bide lau bat jarraituko dugu eta beste bost minutuan, zelaien beste aldean dagoen borda zahar batera iritsiko gara. Hemen, mendian gora abiatzen den bide bat jarraituko dugu. Bide honek, hego mendebalderanzko norabidea jarraitzen du eta haran txiki batean sartzen da.

Orhi eta Holtzarte lotuz

Tue, 26 Jun 2007 21:44:51 +0000

Logibarretik abiatuko gara. (Holtzarteko arroilaren sarrera). Bertan, parkina badago eta kotxea uzteko arazorik ez dago.

Errepidea jarraituko dugu Larraine herriraino. Herriaren sarreran, kamino nagusia eskuinetara utzita, ezkerretik beste herriko kale bat dago. Hemendik segi eta berehalaxe, ezkerretara, etxe baten ondotik, mendian gora bide bat hasten da. Ez dago inolako kartelik, baina bi edo hiru minutu ibili ondoren, Erroimendira doala seinalatua dago.

Hasieran, bidea zelai eta zuhaitzen artetik doa, baina pixkanaka pixkanaka, gero eta zuhaitz gehiago dago eta azkenean pagadi bihurtzen da. Igoera honetan, beste bide eta pista askorekin gurutzatzen da, baina erne joanez gero ez dago bidea galtzerik, duda izan daitekeen leku guztietan, marra ori batek adieraziko baitigu aukeratu beharrekoa.

Adartza Germieta herritxotik

Sat, 02 Jun 2007 18:26:43 +0000

Baigorri herritik gertu dagoen Germieta herritxotik (212m.) abiatuko gara.
Gure lehengo helburua, “Oilarandoi” izeneko mendia (944m.)izango da. Horretarako, herriaren goialdetik, hego-mendebalderantz ateratzen den bidetxoa jarraitu dugu. Zuhaitzpetik eta belardien aldamenetik gorantz, zenbait baserritara joateko egindako kamiora aterako gara (482 m.). Kamioa eskuinetara 800 bat metro jarraituz, bide gurutze batera iritsiko ginateke, baina hori egin beharrean, 150 m. aurrera egin eta kamioa utzita, ezkerretara, borda baten ondotik belarditik gora zuzen hegoalderantz eta 130 m. gorago, lehen aipatutako bidera aterako gara (630 m.). Bide hori, ekialderantz doa. Bi edo hiru minutu geroago, bide hori utziko dugu, eta hego-mendebalderantz gorantz doan bide zidorra hartuko dugu eta tontorreraino iritsiko gara (2 ordu). Hemen kapilatxoa dago.

Randonnées en Pays Basque

Mon, 16 Oct 2006 07:46:49 +0000

Ibilbide ugari jasotzen du, argazkiekin. Botanikari buruzko aipamen ugari.

Biriatutik Manttalera

Mon, 20 Mar 2006 20:39:10 +0000

Biriatutik abiatuko gara, Eliza eta bere aldameneko hilerria eskubi aldetik inguratzen duen errepidean gora. Halako batean errepidea bi etxeren arteko lepora heltzen da: han eskubi aldera egingo dugu, asfaltatutako errepidez, aldapa handian gora. Pago landarez osatutako hesi batez ingururatutako etxe dotore baten aldamenetik pasa eta bidegurutze batera helduko gara berehala: ezkerrekoa, aldapa handienekoa aukeratu behar dugu (urak sakondutako lurrezko pista). Handik gora arrasto nabarmenenari jarraituz egingo dugu bidea: GR10a da. Aldapan gora egiten duten bide-aukerak hautatuz argindar poste handi baten aldamenetik pasa eta bost bat minutura bide bazterrean dagoen harri borobil handi batekin egingo dugu topo. Erne! Hantxe bereizten da igoeratik GR10a, Xoldokogaiñako Mendebaldeko isurialde osoa zeharkatuz Osingo lepora heltzen dena: horixe da jaitsierako bidea.

Euskal Herriko Mendien Katalogoa

Wed, 02 Jan 2008 07:44:17 +0000

Gipuzkoa | Bizkaia | Araba | Iparraldea | Nafarroa

Webgune honen abiapuntu bezala erabili zen zerrenda jasotzen du argitalpen honek eta erreferentzia egokia gerta daiteke norbere inguruko tontor esanguratsuenak ezagutzeko. Zerrendak baditu ordea bere urteak (zein urtetakoa ote da lehenengoa?), eta zerrendan dauden hainbat tontor ez dira izango gaur egun beharbada orduan bezain estimatuak: komunikabideak hobetu ahala mendizalearen eskumenera hurbildu diren mendiak asko dira eta norbere inguruko mendiak ezagutzeko joera baino gehiago ari da nagusitzen urrutian beste askok ere bilatzen dituzten tontor ezagunetara abiatzeko joera.

Zerrendaz gain baditu mendien kokapena adierazten duten mapa xume batzuk ere, 100 mendien lehiaketako araudia eta mendian seguruago ibiltzeko gomendatutako jarraibide mordoska, eranskin gisa.

ANIAGA